Tehsil365 xəbər verir ki, Azərbaycan Respublikasında elmi fəaliyyətlə məşğul olan şəxslərin ümumi sayı azalma meyli göstərsə də, fəlsəfə doktoru dərəcəsi olan alimlərin sayında artım müşahidə olunub. Dövlət Statistika Komitəsinin 21 iyul 2025-ci il tarixində təqdim etdiyi məlumata görə, 2024-cü ilin sonuna ölkədə elmi-tədqiqat və işləmələr yerinə yetirən təşkilatların sayı 130 olub. Bu, əvvəlki iki illə müqayisədə cüzi azalmadır (2023-cü ildə – 131, 2022-ci ildə – 134 təşkilat).
Tədqiqat və elmi işləmələrlə məşğul olan şəxslərin sayı 2024-cü ildə 19 405 nəfər təşkil edib. Halbuki bu rəqəm 2023-cü ildə 19 535, 2022-ci ildə isə 19 875 nəfər idi. Beləliklə, son iki ildə bu sahədə təxminən 500 nəfərlik azalma müşahidə edilir.
Bununla yanaşı, elmlər doktoru dərəcəsinə sahib tədqiqatçıların sayı artaraq 1688 nəfərə çatıb. Bu göstərici 2023-cü ildə 1382 nəfər, 2022-ci ildə isə 1422 nəfər idi. Eləcə də, fəlsəfə doktorlarının sayı da yüksəlib – 2024-cü ildə bu rəqəm 5731 nəfər olub (2023-cü ildə – 5498 nəfər).