Yaponiyanın xaricdə təhsil sahəsində 2024-cü il göstəricilərinə əsasən, pandemiya öncəsi dövrlərə yaxınlaşma müşahidə olunur. Yaponya Xarici Təhsil Assosiasiyasının (JAOS) 39 üzv təşkilatı ilə keçirdiyi sorğuya əsasən, ötən il 70.253 yapon tələbə xaricə təhsil üçün göndərilib. Bu, 2019-cu il səviyyəsinin təxminən 90%-nə çatır.
"Tehsil365" The PİE-nin yaydığı məlumata görə bildirir ki, ilk dəfə olaraq sorğuya orta və ali məktəblərin, eləcə də yerli idarələrin təşkil etdiyi təhsil səfərləri də daxil edilib və bu səfərlərin ümumi sayın 22%-ni təşkil etdiyi qeyd olunub. Bu, hökumətin beynəlmiləlləşmə siyasətinin bir hissəsi kimi qiymətləndirilir.
JAOS-un baş katibi Tatsu Hoshino bildirib ki, Yaponiyanın məqsədi 2033-cü ilə qədər xaricdə təhsil alan tələbə sayını 500 minə çatdırmaqdır. Onun sözlərinə görə, bu məqsədə çatmaq üçün məktəb səviyyəsində təşkil olunan təhsil səfələrinin genişləndirilməsi ən effektiv strategiyadır.
Məlumatlara əsasən, ABŞ əvvəllər lider olsa da, bu il ikinci yerə düşüb. Onun yerini təxminən 4.300 tələbə artımı ilə Avstraliya tutub. Kanada və Böyük Britaniya isə müvafiq olaraq üçüncü və dördüncü yerləri bölüşür. Asiyadan Filippin, Malayziya, Sinqapur və Cənubi Koreya 2019 səviyyəsini üstələyib.
Xüsusilə Filippin ingilis dili kursları ilə önə çıxır – son illərdə buraya maraq artıb, yay düşərgələri və valideyn-uşaq proqramları geniş yayılıb. Həmçinin Malayziya və Tayvana da maraq artır, çünki burada təhsil həm əlverişli, həm də dövlət dəstəyi ilə təklif olunur.
Hoshino əlavə edib ki, təhsil xərclərinin artması və yenin dəyərdən düşməsi fonunda daha çox tələbə uyğun qiymətə, keyfiyyətli təhsil axtarışında Asiya ölkələrini seçir.