Qarabağ Universitetinin Tibb və Sağlamlıq Elmləri Fakültəsinin rəhbər heyətinin iştirakı ilə Şəki şəhərində abituriyentlərlə təbliğat görüşü keçirilib.
Bu barədə “Tehsil365”ə Qarabağ Universitetindən məlumat verilib ki, görüşdə 2024/2025-ci tədris ili üçün keçirilən qəbul imtahanlarında yüksək nəticə əldə etmiş abituriyentlər iştirak ediblər.
Tədbirin əsas məqsədi fakültənin tədris imkanları, ixtisas istiqamətləri və gələcək karyera perspektivləri barədə məlumat vermək, eləcə də regionlarda istedadlı gəncləri Qarabağ Universitetinə cəlb etmək olub.
Fakültə rəhbərliyi abituriyentlərlə interaktiv müzakirələr aparıb, onların suallarını cavablandırıb və universitetin infrastrukturu, təhsil keyfiyyəti barədə ətraflı məlumat təqdim edib. Görüş iştirakçılar tərəfindən maraqla qarşılanıb.