Türkiyənin Ali Təhsilin Keyfiyyəti Şurası (YÖKAK), Təhsildə Keyfiyyət Təminatı Agentliyi (TKTA), Azərbaycan Dövlət Pedaqoji Universiteti və Türkiyənin Çankaya Universitetinin birgə təşkilatçılığı ilə 27-28 noyabr 2025-ci il tarixlərində Bakı şəhərində "Ali Təhsildə Keyfiyyət üzrə Beynəlxalq Konfrans (IQC)" keçiriləcəkdir.
“Tehsil365” Azərbaycan universitetin’ə əsasən bildirirki, konfransın əsas məqsədi ali təhsildə keyfiyyət təminatı, akkreditasiya, tədris və öyrənmə prosesləri, tələbə yönümlü təhsil, rəqəmsal transformasiya və institusional keyfiyyət idarəçiliyi kimi sahələrdə çalışan alimləri, tədqiqatçıları, pedaqoqları və qərarvericiləri bir araya gətirərək nəzəri bilik, tədqiqat nəticələri və yaxşı təcrübələrin paylaşılmasına şərait yaratmaqdır.
"Ali Təhsildə Keyfiyyət üzrə Beynəlxalq Konfrans (IQC)" indiyədək Berlin, İstanbul, Paris, Roma, Vyana, Praqa, Barselona və Quarda kimi Avropanın elmi- akademik mərkəzlərində təşkil olunmuş və hər il artan iştirakçı sayı ilə beynəlxalq akademik ictimaiyyətdə nüfuzlu yer qazanmışdır. 2025-ci ildə keçiriləcək konfransda təxminən 200 xarici iştirakçının iştirakı gözlənilir.
Konfransda iştirak etmək məqalələrini www.icqh.net və www.ite-c.net internet arzusunda olan səhifəsində şəxslər elektron qeydiyyatdan keçməklə təqdim etməlidirlər. Sizi və rəhbərlik etdiyiniz qurumun tədqiqatçılarını sözügedən konfransa dəvət edirik.
Məsələ ilə bağlı əlaqələndirici şəxs ADPU-nun Keyfiyyətin təminatı şöbəsinin müdiri dosent Qalib Şərifovdur (email: [email protected]).