Dövlət Statistika Komitəsinin məlumatına görə, son illərdə ümumi təhsil müəssisələrində məktəbəhazırlıq qruplarına cəlb olunan uşaqların sayında azalma müşahidə olunur.
2025-ci ilin əvvəlinə olan məlumata əsasən, məktəbəhazırlıq qruplarına cəlb olunan uşaqların sayı 91 236 nəfər təşkil edib. Halbuki bu göstərici:
2024-cü ildə – 87 150 nəfər
2023-cü ildə – 91 137 nəfər
2022-ci ildə – 100 799 nəfər
2021-ci ildə isə – 106 892 nəfər olub.
Müqayisəli təhlil göstərir ki, 2021-ci ildən 2025-ci ilə qədər məktəbəhazırlığa cəlb olunanların sayı 15 000 nəfərə yaxın azalıb. 2022-ci ildən sonra azalma tendensiyası daha kəskin hiss olunmağa başlayıb.
Qeyd edək ki, bu statistika Dövlət Statistika Komitəsinin rəsmi məlumat bazasında dərc edilib və 1995–2025-ci illəri əhatə edən dövr üzrə yenilənmişdir.