Dövlət Statistika Komitəsinin 2025-ci il üçün yenilənmiş məlumatına əsasən, Azərbaycanda uşaq musiqi, incəsənət və rəssamlıq məktəblərinin sayı son 5 il ərzində dəyişməz olaraq qalır.
Rəsmi statistikaya görə, 2019–2024-cü illər ərzində ölkədə qeyd olunan məktəblərin sayı 236 ədəd olaraq qalır.
Bu göstərici həm sabit strukturun qorunduğunu, həm də yeni məktəblərin açılmaması və ya mövcudların birləşdirilməsi hallarının olmadığını göstərir. Qeyd edək ki, bu məktəblər uşaqların yaradıcı inkişafında və erkən istedadlarının üzə çıxarılmasında mühüm rol oynayır.
Məlumat Dövlət Statistika Komitəsinin rəsmi saytında 2025-ci ilin iyul ayına olan vəziyyətə əsasən təqdim edilib və 1998–2024-cü illəri əhatə edən dövr üzrə yenilənib.