Dövlət Statistika Komitəsinin məlumatına əsasən, 2024-cü ilin sonuna ölkədə fəaliyyət göstərən kütləvi kitabxanaların sayı 2914 ədəd olub. Son üç ildə bu göstərici dəyişməz qalaraq sabit səviyyədə saxlanılıb.
Lakin kitabxana fondunun ümumi həcmi azalmağa davam edir. Belə ki:
2020-ci ildə fond 32 milyon nüsxə,
2021 və 2022-ci illərdə 31 milyon nüsxə,
2023 və 2024-cü illərdə isə cəmi 28 milyon nüsxə təşkil edib.
Bu, son dörd il ərzində 4 milyon nüsxə azalma deməkdir.
Hər 1000 nəfərə düşən kitab nüsxələrinin sayı da eyni tendensiyanı göstərir:
2020: 3152 nüsxə
2021: 3122 nüsxə
2022: 3066 nüsxə
2023: 2718 nüsxə
2024: 2710 nüsxə
Qeyd edək ki, bu göstəricilər Dövlət Statistika Komitəsinin 25 iyul 2025-ci il tarixli yenilənmiş məlumat bazasına əsaslanır və 1995–2024-cü illəri əhatə edən dövr üzrə təqdim olunub.