Tehsil365 STUDY in JAPAN- a istinadən xəbər verir ki, Yaponiyada təhsil alan xarici tələbələrin sayı 2024-cü ildə rekord səviyyəyə çataraq 336 708 nəfər olub. Bu göstərici əvvəlki illə müqayisədə 20.6% artım deməkdir.
Yaponiyanın Təhsil, Mədəniyyət, İdman, Elm və Texnologiya Nazirliyi və Yapon Tələbə Xidməti Təşkilatının (JASSO) məlumatına görə, xarici tələbələrin 68%-i ali təhsil müəssisələrində, 32%-i isə dil məktəblərində təhsil alır.
Xarici tələbələrin əsas hissəsi Asiya ölkələrindən gəlir. Ümumi göstəriciyə görə, xarici tələbələrin 92.5%-i Asiya ölkələrinin vətəndaşlarıdır. Ən çox tələbə göndərən ölkələr arasında Çin (123 485 nəfər), Nepal (64 816 nəfər), Vyetnam (40 323 nəfər) və Myanmar (16 596 nəfər) yer alır. Çinli tələbələr ümumi sayın 36.7%-ni təşkil edir.
Statistikaya əsasən, tələbələrin 55.3%-i kişi, 44.6%-i qadındır.
Yapon hökuməti 2027-ci il üçün müəyyən etdiyi 312 000 tələbə hədəfini artıq keçib və yeni məqsəd kimi 2033-cü ilə qədər 400 000 xarici tələbənin ölkədə təhsil alması planlaşdırılır.