Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin (UFAZ) tələbələri və 2025-ci il məzunları qabaqcıl beynəlxalq və yerli şirkətlərin yay təcrübə proqramlarında iştirak edirlər. Tələbə və cari ilin məzunlarının təcrübəçi və könüllü kimi fəaliyyət göstərdiyi şirkətlər arasında "SOCAR Polymer", "Halliburton", "eiLINK R&D", Azərbaycan Süni İntellekt Laboratoriyası, BP, “Turan Qazma və Mühəndislik Şirkəti”, “Bakı Metropoliteni” QSC, “Deloitte”, Azərbaycan Mərkəzi Bankı, “Paşa Sığorta”, Heydər Əliyev adına Neft Emalı Zavodu, “Azersun Holding” MMC, Dövlət İmtahan Mərkəzi, SOCAR Karbamid Zavodu, “Azərsulfat” MMC və “M-I SWACO Drilling Fluids” kimi müəssisələr var.
“Tehsil365” ADNSU’a əsasən xəbər verirki, tələbələr bu şirkətlərdə keçirdikləri təcrübə dövründə akademik biliklərini real iş mühitində tətbiq etmək imkanı qazanırlar. Bu proses onlara həm texniki bacarıqlarını inkişaf etdirməyə, həm də müxtəlif sənaye sahələrinin iş prinsiplərini yaxından öyrənməyə şərait yaradır. Təcrübə müddətində onlar komandada işləmək, yaradıcı şəkildə problem həll etmək və verilən təlimatlara əsasən effektiv şəkildə çalışmaq kimi müasir əmək bazarında yüksək dəyərə sahib olan bacarıqları da təkmilləşdirirlər.
UFAZ tələbələri və cari ilin məzunlarına peşkar karyeraları yolunda atdıqları bu növbəti addımın davamlı olmasını arzu edirik.