Elm və Təhsil Nazirliyinə və tabeliyindəki qurumlara 2025-ci ilin iyul ayının ikinci yarısı ərzində ümumilikdə 71 min 938 vətəndaş müraciəti daxil olub.
Tehsil365 Nazirliyə istinadla xəbər verir ki, müraciətlərin 1 269-u yazılı formada, 15 836-sı elektron qaydada, 10 389-u vətəndaş qəbulu zamanı, 44 444-ü isə çağrı mərkəzləri vasitəsilə qeydə alınıb.
Vətəndaş müraciətləri əsasən müəllimlərin işə qəbulu, sertifikatlaşdırma imtahanı, məktəbəqədər təhsil müəssisələrinə və birinci sinfə qəbul, məktəbəhazırlıq qruplarına qeydiyyat, eləcə də magistraturaya qəbul məsələlərini əhatə edib.
Elm və Təhsil Nazirliyi vətəndaş müraciətlərinin operativ şəkildə cavablandırılması və vətəndaş məmnunluğunun təmin olunması istiqamətində fəaliyyətini davam etdirir.