Hindistanda gənclər mənəviyyata və dinə böyük maraq göstərir, lakin bunu əvvəlki nəsillərdən fərqli şəkildə həyata keçirirlər. Çoxları üçün bu, ənənəvi mərasim və rituallardən daha çox, fərdi və şəxsi bir təcrübədir.
"Tehsil365" Deutsche Welle-ə istinadən xəbər verir ki, Rohit Singh adlı 24 yaşlı gənc, Hindu ailəsində doğulsa da, özünü dindar kimi deyil, “spirituallıqla bağlı” biri kimi təsvir edir. O, ara-sıra yerli məbədə və Sih dininin ibadətgahı olan gurudvaraya gedir. Singh astroloji inanclara da bağlıdır və bu ay Hindistanda tanınmış Hindu tanrılarından biri olan Lord Şivanın şərəfinə keçirilən Kanwar Yatraya qatılıb.
Başqa bir gənc isə iş tapmaqda çətinlik çəkdiyi və ruh sağlamlığında problemlər yaşadığı dövrdə mənəviyyata sığınaraq rahatlıq tapdığını bildirir. Onun sözlərinə görə, ətrafındakı çoxlu gənclər də ona bənzər şəkildə din və ruhaniyyətdən təsəlli axtarırlar.
Dünya üzrə dinə bağlılıq azalmaqda olsa da, Hindistanda vəziyyət fərqlidir. Pew Araşdırma Mərkəzinin məlumatlarına görə, Hindistanın Z nəsli din və mənəviyyatala yenidən əlaqə qurur. YouGov-Mint sorğusu göstərir ki, bu nəsilin 53 faizi dinin önəmli olduğuna inanır, 62 faizi isə müntəzəm ibadət edir.
Psixoloq Manavi Khurana bildirib ki, Z nəsli əvvəlki nəsillərdən fərqli olaraq, duyğularını ifadə etmək üçün daha geniş bir terminologiyaya sahibdir. Onlar “şifa”, “torpaqlanma” və “özləri ilə əlaqə” kimi anlayışları qarışdırsa da, bu terminlər onların mənəviyyat yolundakı müxtəlif yanaşmalarını əks etdirir.
Khurana vurğulayıb ki, din və mənəviyyat gənclər üçün yalnız mənəvi dayaq deyil, həm də çətinliklərlə mübarizədə güclü bir psixoloji resursdur. Bu fərdi yanaşma gənclərin dini və mənəviyyatı özləri üçün yenidən icad etdiyini göstərir.