Cəlilabad Dövlət Peşə Təhsil Mərkəzi 2025-2026-cı tədris ili üçün sənəd qəbulunu elan edib. Təhsil müddəti cəmi 1 il olan bu proqram çərçivəsində tələbələr dövlət sifarişi ilə təhsil alacaq və təqaüd imkanından faydalana biləcəklər.
“Təhsil365” xəbər verir ki, qəbul əvvəlki illərin məzunları və 11-ci sinfi bitirənlər üçün nəzərdə tutulub. Müraciət üçün son tarix 11 avqust 2025-ci ildir.
Təklif olunan ixtisaslar arasında Avtomobil diaqnostikası və təmiri, Aşpazlıq, Qrafik dizayn, İnformasiya texnologiyaları, Kombi və kondisioner ustası, Çilingər-santexnik, Bərbər-vizajist-manikürçü, Üzlükçü və mebel ustası kimi müxtəlif peşələr yer alır. Bəzi ixtisaslar isə dual (əmək bazarına inteqrasiya yönümlü) formada tədris olunur.