Okeanlar və dənizlər hələ də tam kəşf olunmayan, sirrli dünyalardır. Yer kürəsinin 70%-ni əhatə edən bu sualtı aləm, minlərlə canlı növü ilə zəngindir. Onların bəziləri isə qeyri-adi xüsusiyyətləri ilə elm adamlarını heyran qoyur.
“Tehsil365” bu möcüzə dolu canlılar arasında ən maraqlı və fərqlilərini diqqətinizə çatdırır.
1. Axolotl – “Gülümsəyən su əjdahası” (Meksika)
Bu canlı təkcə sevimli görkəmi ilə yox, eyni zamanda bədən hissələrini yenidən çıxara bilmə qabiliyyəti ilə məşhurdur. Axolotl suda yaşayır və bir ömür boyu larva formasında qalır – bu xüsusiyyəti onu tək və nadir edir.
2. Vampir Kalmar – Qaranlıqda yaşayan əsrarəngiz varlıq
Adından qorxulu səslənsə də, bu canlı kalmar və meduza arasında qəribə bir keçiddir. 3 000 metr dərinlikdə yaşaması və bədəni ətraf mühitə uyğun şəffaflaşması ilə seçilir.
3. Dəniz atı (Seahorse) – Suda dik duran ata bənzər balıq
Bu canlıları maraqlı edən yalnız görünüşləri deyil – erkəklərin hamilə qalması və balalarını dünyaya gətirməsi ilə də bioloji baxımdan fərqlidirlər.
4. Blobfish – Dünyanın “ən çirkin” seçilən balığı
Dərin okean təzyiqinə uyğunlaşdığı üçün quruda (suyun xaricində) çıxarıldıqda jel formasında görünür. Amma sualtında olduqca adi və uyğun formadadır.
5. Mantis Karidesi – Suyun “boksçusu”
Bu balıq deyil, xərçəngkimidir. Zərbəsi o qədər sürətlidir ki, akvarium şüşəsini qıra bilər. Həm də 12 rəng reseptoru ilə insan gözünün görə bilmədiyi çoxlu sayda rəngi ayırd edə bilir.
6. Narval – "Dənizdəki birbuynuz"
Əslində balina ailəsinə aiddir. Uzun spiral buynuzu ilə “dəniz birbuynuzu” kimi tanınır. Bu buynuz əslində uzanmış dişdir və sensor funksiyası daşıyır.
7. Mavi balina – Dünyanın ən böyük heyvanı
20-dən çox avtomobil uzunluğunda olan bu canlı dünyada yaşayan və yaşamış ən böyük heyvandır. Çəkisi 150 tona qədər çata bilər, ürəyi isə bir avtomobil ölçüsündədir.
Bu sualtı canlılar bizə təbiətin nə qədər rəngarəng və sirli olduğunu göstərir. Okeanlar hələ də tam araşdırılmayıb və bəlkə də orada bizləri gözləyən yüzlərlə yeni canlı mövcuddur.