Kitabxanalar artıq təkcə kitablarla deyil, həm də öz qeyri-adi memarlığı və maraqlı yerləşmə məkanları ilə insanların diqqətini cəlb edir.
“Tehsil365” xəbər verir ki, dünyanın çox ölkəsində yerləşən bəzi kitabxanalar həm dizaynı, həm də funksionallığı ilə seçilərək oxucular üçün unudulmaz təcrübə yaradır.
Open Air Library – Almaniya
Leypsiq şəhərində yerləşən bu kitabxana açıq havada qurulub. Divarsız kitabxana, köhnə şəhər meydanında kitabsevərləri bir araya gətirir.
BiblioBurro – Kolumbiya
Kolumbiyada müəllim Luis Soriano kəndlərdə yaşayan uşaqlara kitab çatdırmaq üçün kitablarını uzun qulağa yükləyərək kəndləri gəzib. “BiblioBurro” adlı bu mobil kitabxana yüzlərlə kənd uşağının ilk kitab tanışlığı olub.
Tianjin Binhai Kitabxanası – Çin
Müasir memarlığın möcüzəsi sayılan bu kitabxana dalğalı rəfləri və nəhəng “göz” formasındakı dizaynı ilə sosial şəbəkələrdə məşhurlaşıb. Daxilə daxil olan hər kəs sanki gələcəkdən gələn bir məkana düşür.
Movable Library – Hindistan
Qatarın içində qurulmuş bu kitabxana Hindistanın kəndlərində təhsilə çıxışı artırmaq üçün fəaliyyət göstərir. Hər dayanacaqda uşaqlar kitab götürüb qaytara bilirlər.
Bu qeyri-adi kitabxanalar bir daha göstərir ki, kitab sevgisi sərhəd tanımır və bilik üçün hər yer bir məktəb ola bilər.