Tehsil365-in budəfəki müsahibi təhsil eksperti Cahid İmanlıdır. O, hazırda əmək bazarında ən çox tələbat olan ixtisas sahələrindən və gələcəkdə ehtiyac olacaq sahələr haqqında danışıb.
Sizcə, hazırda əmək bazarında ən çox tələbat olan ixtisas sahələri hansılardır və gələcəkdə hansılara daha çox ehtiyac olacaq?
Hazırda əmək bazarında ən çox tələbat olan ixtisas sahələri qruplar üzrə bölünür:
1-ci qrup üzrə proqramlaşdırma, informasiya təhlükəsizliyi, kibertəhlükəsizlik mütəxəssisi, data analitik, süni intellekt və bu sahələrin mühəndisliyi üzrə mütəxəssislər, energetkanın yeni növləri, xüsusilə yaşıl enerji və ən son aqronomluq üzrə olan ixtisaslara daha çox tələbat var.
2-ci qrup üzrə ənənəvi iqtisad yönümlü ixtisasların daha çox İKT-ləşmiş formaları, yəni maliyyə analitikləri, rəqəmsal marketinq, eləcə də audit, vergi mütəxəssisləri və ən əsası startap, layihə menecer ixtisasları və logistika aktuallıq daşıyacaq.
3-cü qrup üzrə əksər pedaqoji ixtisaslar, xüsusilə İbtidai sinif müəllimləri, bu sahədə STEAM və rəqəmsal bacarıqlar üzrə təlimçilər və eləcə də dövlət qulluğu ilə bağlı ixtisaslar ön plandadır.
4-cü qrup üzrə isə səhiyyə və tibbi xidmətlər üzrə-fizioterapevt, psixoloq və tibb informatikası mütəxəssisi daha çox ehtiyac olan sahələrdir.