Gəncə-Daşkəsən bölgəsində buraxılış imtahanında ən yüksək nəticə göstərən 9-cu siniflər açıqlandı.
“Təhsil365” xəbər verir ki, Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələri arasında 2024–2025-ci tədris ili üzrə ümumi (9 illik) orta təhsil səviyyəsi üzrə buraxılış imtahanında ən yüksək nəticə göstərən siniflər müəyyənləşdirilib.
Ən yüksək ümumi nəticə ilə fərqlənən sinif Gəncə şəhər 21 nömrəli tam orta ümumi təhsil məktəbinin 9 “A” sinfi olub-sinfin 25 şagirdi ümumilikdə 233,4 bal toplayıb.
İkinci yeri Gəncə şəhər İ.Nəsimi adına 44 nömrəli bağça-məktəb-lisey kompleksinin 9 “C” sinfi 224,9 balla, üçüncü yeri isə Gəncə şəhər M.Mehdizadə adına 4 nömrəli xarici dil təmayüllü məktəb-liseyin 9 “D” sinfi 214,8 balla tutub.
Ayrıca olaraq, Gəncə şəhər İ.Məmmədov adına 27 nömrəli riyaziyyat-informatika təmayüllü məktəb-liseyin 9 “A” sinfi 214,6 bal, Goranboy rayon A.Məmmədov adına 3 nömrəli şəhər tam orta məktəbinin 9 “A” sinfi isə 207,0 bal nəticə əldə edib.
Bu nəticələr bölgə üzrə təhsil keyfiyyətinin yüksəldiyini göstərməklə yanaşı, məktəblər və müəllim heyətləri üçün də motivasiyaedici nümunədir.