Tehsil365 Təhsildə Keyfiyyət Təminatı Agentliyindən aldığı məlumata əsasən xəbər verir ki, 2025-ci ilin iyul ayı üzrə xaricdə təhsil alan şəxslərin ixtisaslarının tanınması üçün daxil olan 694 müraciətin 587-si barədə müsbət qərar verilib. Müsbət qərar verilən şəxslərə müvafiq şəhadətnamələr təqdim olunub. 107 nəfərin müraciəti isə mənfi qərarla yekunlaşıb.
Mənfi qərarların əsas səbəbləri arasında tədris yükünü mənimsəmək üçün tələb olunan normativdən az olma (78 fakt), akkreditasiyasız ali təhsil müəssisəsi (5 nəfər), dövlət nümunəli olmayan transkript (5 nəfər), dövlət nümunəli olmayan diplom (5 nəfər), təhsilalma forması uyğunsuzluğu (4 nəfər), əhəmiyyətli fərq (kredit sayı) (3 nəfər), və digər hallar qeyd olunub.
Ən çox müraciət Türkiyə Respublikasından (285 nəfər), Rusiya Federasiyasından (228 nəfər), Ukraynadan (55 nəfər), Birləşmiş Krallıqdan (28 nəfər), Gürcüstandan (25 nəfər) daxil olub. Digər ölkələr arasında Çin, Konqo, İtaliya, Macarıstan, Polşa, ABŞ, Fransa, Almaniya, Kanada və başqaları yer alır.
İxtisaslar üzrə isə ən çox müraciət tibb və səhiyyə sahələrinə (173 müraciət), iqtisadiyyat (46), biznesin idarə edilməsi (44) və maliyyə (30) üzrə qeydə alınıb.