Abituriyentlərin ixtisas seçimi prosesində düzgün qərar vermələrinə dəstək məqsədilə Mingəçevir Dövlət Universitetində (MDU) Abituriyent Məsləhət Mərkəzi fəaliyyətə başlayıb.
Mingəçevir Dövlət Universitetindən “Tehsil365”ə məlumat verilib ki, mərkəz ixtisas seçimi müsabiqəsi müddətində fəaliyyət göstərəcək və tamamilə ödənişsiz xidmətlər təqdim edəcək. Abituriyentlər və onların valideynləri burada təcrübəli və peşəkar mütəxəssislər tərəfindən ətraflı məlumatlandırılacaq, həmçinin gələcək təhsil istiqamətlərinə dair düzgün yönləndirilmə imkanına sahib olacaqlar.
Məkan: MDU-nun əsas tədris binası, Kitabxana bölməsi
Əlaqə: 051-500-45-66 (Zəng və WhatsApp üçün aktivdir)
Qeyd edək ki, universitet rəhbərliyi tərəfindən təşkil edilən bu təşəbbüs abituriyentlərin məlumatlı qərarlar verməsinə və ali təhsil imkanlarından daha effektiv şəkildə yararlanmasına şərait yaratmağı hədəfləyir.