Elm və Təhsil İşçiləri Həmkarlar İttifaqı Respublika Komitəsinin dəstəyi, Azərbaycan Mühasiblər və Risk Peşəkarları Assosiasiyasının təşkilatçılığı ilə Azərbaycan Əmək və Sosial Münasibətlər Akademiyasının məzunları üçün “0-dan mühasibatlıq” təlim proqramı başlayıb.
Elm və Təhsil İşçiləri Həmkarlar İttifaqı Respublika Komitəsindən "Tehsil365"ə verilən məlumata görə, proqramın məqsədi məzunların praktik mühasibatlıq biliklərini artırmaq, müasir mühasibat proqramlarında işləmə bacarıqlarını formalaşdırmaq və onları rəqabətli əmək bazarına hazırlamaqdır.
Təlimlərdə iştirak etmək üçün “İqtisadiyyat və idarəetmə ixtisasları qrupu”na aid ixtisaslar üzrə məzun olmuş, akademik göstəriciləri yüksək olan 16 nəfər seçilib. Avqustun 5-dən əyani formada keçirilən proqramda iştirakçılar həm nəzəri, həm də praktiki biliklərə yiyələnirlər.