Avqustun 16-da Oğuz rayon Mədəniyyət Mərkəzinin 13 nömrəli Kərimli kənd kitabxana filialında Xalq şairi Bəxtiyar Vahabzadənin 100 illik yubileyinə həsr olunmuş tədbir keçirilib.
“Tehsil365” xəbər verir ki, tədbiri kitabxana əməkdaşı açaraq bildirib ki, şairin “Şənbə gecəsinə gedən yol” kitabı 20 Yanvar faciəsi kimi tarixi hadisələri özündə əks etdirir. O, həmçinin qeyd edib ki, əsərdə dönəmin siyasi gərginlikləri, Sovet repressiyaları və Ermənistan-Azərbaycan qarşıdurmalarına qarşı publisist şairin duyduğu narahatlıq və etiraz açıq şəkildə ifadə olunub.
Kitabxananın fəal üzvü Tursunova Nazlı şairin həyat və yaradıcılığı barədə məlumat verərək, onun zəngin ədəbi irsini iştirakçılara təqdim edib. Tədbir iştirakçıları isə “Şənbə gecəsinə gedən yol” kitabının müzakirəsində fəal iştirak edərək, şairin əsərinin əhəmiyyəti və dəyəri barədə fikirlərini bölüşüblər.
Tədbir həm oxucular, həm də ədəbiyyat həvəskarları üçün zəngin məlumat mübadiləsi və dərin düşüncələrə yol açıb.
