Seyid Əzim Şirvani 1835-ci il iyulun 9-da Şamaxıda, ruhani bir ailədə anadan olmuşdur. “Tehsil365” onun həyat və yaradıcılığını araşdıraraq oxuculara Seyid Əzim Şirvaniyə məxsus bənzərsiz sənət dünyasını təqdim edir.
İraqda ali dini təhsil almış, lakin vətənə qayıtdıqdan sonra dini rütbədən imtina edərək dünyəvi elmlərə üstünlük vermişdir. O, Azərbaycan və rus dillərinin tədrisinə böyük diqqət ayrılan rus-Azərbaycan məktəbini açmışdır.
Şirvani lirik qəzəllərində Füzuli ənənələrini davam etdirmiş, satirik şeir və təmsillərində isə ruhaniləri tənqid etmiş, geriliyin və cahilliyin əleyhinə çıxış edərək insanları maarifə və mədəniyyətə çağırmışdır.
Nə pristav,nə köməkçi,nə kvartal,nə kazak,
Hamısı qurd kimi qoymaqlığa xalqı ki,qoçaq,
Məsləhətçin eləyiblər neçə əşxası qaçaq…
O, qəzəl, rübai, qəsidə, mərsiyə janrlarında olduğu qədər hekayə, təmsil, nəsihətnamə və digər ədəbi işlər sahəsində də məhsuldar olmuşdur. “Eşşək və Arılar” təmsili elmin qiymətini bilməyən cahil insanların tənqidinə həsr olunmuşdur.
Seyid Əzim Şirvani 1888-ci il mayın 20-də vəfat etmiş, vəsiyyətinə əsasən doğma Şamaxıdakı “Şah Xəndan” qəbiristanlığında dəfn olunmuşdur.