Türkiyə Respublikasının Azərbaycandakı fövqəladə və səlahiyyətli səfiri cənab Birol Akgun Gəncə şəhərinə səfəri çərçivəsində Azərbaycan Dövlət Aqrar Universitetini (ADAU) ziyarət edib.
ADAU’dan “Tehsil365”ə xəbər verilib ki, görüş zamanı tərəflər iki ölkə arasında mövcud olan dostluq və qardaşlıq münasibətlərini, xüsusilə təhsil sahəsində əməkdaşlığın daha da genişləndirilməsinin vacibliyi diqqətə çatdırılıb.
Rektor Zəfər Qurbanov ADAU-nun beynəlxalq əlaqələrinin inkişafına xüsusi önəm verdiyini qeyd edərək, Türkiyənin nüfuzlu ali təhsil müəssisələri ilə də qarşılıqlı layihələrin həyata keçirilməsinin universitet üçün prioritet olduğunu bildirib.
Görüş çərçivəsində səfir Birol Akgun Azərbaycan Xalq Cümhuriyyəti muzeyini ziyarət edib. Muzeydə təqdim olunan eksponatlarla tanış olan səfir, Azərbaycan Xalq Cümhuriyyətinin dövlətçilik ənənələrinin qorunub saxlanılmasının və gənc nəslin vətənpərvərlik ruhunda tərbiyə olunmasının vacibliyini xüsusi vurğulayıb.
Həmçinin, sonda Birol Akgün muzeyin xatirə kitabına ürək sözlərini yazıb.