Bakı Ali Neft Məktəbinin (BANM) “Climacel” komandası Gürcüstanda keçirilən nüfuzlu GIST (Global Innovation through Science and Technology) proqramında qalib olub. Komanda 7000 ABŞ dolları məbləğində mükafata layiq görülüb.
“Tehsil365” xəbər verir ki, proqramda ümumilikdə 20 komanda iştirak edib. Onlardan 7-si Azərbaycanı təmsil edib və bu 7 komandanın 5-i məhz BANM tələbələrindən ibarət olub.
Qələbə universitetin innovasiya potensialının və tələbələrin beynəlxalq arenada uğurlu təmsilçiliyinin bariz nümunəsi kimi qiymətləndirilir.
Qalib komandanın üzvləri: Fatimə Nəsirova və Xəyalə Miriyavadır.
Komandanın mentorluğunu isə Elmar Əsgərzadə həyata keçirib.