Sənaye və İnnovasiyalar üzrə Bakı Dövlət Peşə Təhsil Mərkəzində “Azərbaycan Respublikasının işğaldan azad edilmiş ərazilərinə Böyük qayıdışa dair I Dövlət proqramı” çərçivəsində məcburi köçkünlər üçün logistika operatoru ixtisası üzrə ödənişsiz qısamüddətli təlim təşkil olunur.
Peşə təhsili üzrə dövlət agentliyindən “Tehsil365”ə məlumat verilib ki, bir ay davam edəcək təlim proqramı üzrə iştirakçılara peşə bilik və bacarıqları öyrədiləcək, proqramı uğurla başa vuranlara dövlət nümunəli sertifikatlar təqdim ediləcək.
Qeydiyyat portal.edu.az platforması üzərindən həyata keçirilir.