22 avqust Abşeron-Xızı Regional Gənclər və İdman İdarəsinin təşkilatçılığı ilə Xızı rayon Fındığan kəndində “İdman hamı üçün” layihəsi çərçivəsində atletika üzrə açıq hava məşqləri həyata keçirilib.
“Tehsil365” xəbər verir ki, tədbirdə məşqçi-müəllim Vəliyev Abbas nümunəvi çıxışlar göstərərək iştirakçılara idman bacarıqlarını nümayiş etdirib.
Layihənin əsas məqsədi rayonda uşaq, yeniyetmə və gənclər arasında atletikaya marağın artırılması, eləcə də sağlam həyat tərzinin təbliğidir. İştirakçılar həm nəzəri, həm də praktik məşqlərdə fəal iştirak edərək, atletikanın faydaları barədə geniş məlumat əldə ediblər.
