Dünya ədəbiyyatının ən böyük yazıçılarından biri Fyodor Mixayloviç Dostoyevski 11 noyabr 1821-ci ildə Moskvada anadan olmuşdur. “Tehsil365” onun həyat və yaradıcılığını araşdıraraq oxuculara Fyodor Dostoyevskinin dünyasını təqdim edir.
Uşaqlığını sərt təbiətli ata və xəstə ana ilə keçirən yazıçı, kiçik yaşlarından insanların həyat hekayələrinə maraq göstərirdi.Anasını erkən yaşda itirən Dostoyevski Peterburq Mühəndis Məktəbində təhsil aldı. Burada “Alovlu Fedya” ləqəbini qazandı. Təhsilini bitirdikdən sonra hərbi xidmətdə çalışsa da, ədəbiyyata olan sevgisi onu 1844-cü ildə ordudan istefa verməyə məcbur etdi. İlk romanı “Bədbəxt insanlar” (1846) böyük maraqla qarşılandı.
1849-cu ildə siyasi fəaliyyətinə görə həbs olunaraq sürgünə göndərildi. 1859-cu ildə azadlığa çıxaraq Peterburqa qayıtdı və yazıçılıq fəaliyyətini davam etdirdi. Bu dövrdə “Alçaldılmış və təhqir olunmuşlar”, “Ölülər evindən qeydlər”, daha sonra isə dünya ədəbiyyatının ən möhtəşəm əsərlərindən sayılan “Cinayət və cəza” (1866), “İdiot” (1868), “Cinlər” (1872) və “Qumarbaz” kimi romanlarını qələmə aldı.
Yaradıcılığının zirvəsi isə “Karamazov qardaşları” (1880) əsəri oldu. Bu roman onun həyat və düşüncələrinin ümumiləşmiş ifadəsi sayılır.
Dostoyevski 28 yanvar 1881-ci ildə vəfat etdi. Onun dəfn mərasimində 30 mindən çox insan iştirak etdi. Yazıçı yalnız rus deyil, dünya ədəbiyyatında da insan ruhunun dərinliklərini açan ən böyük sənətkarlardan biri kimi tarixə düşdü.