Dünyanın ən sevimli və qəribə quşlarından biri sayılan pinqivinlər uça bilməsələr də, sürətli üzmə qabiliyyəti və maraqlı həyat tərzləri ilə seçilirlər.
“Tehsil365” xəbər verir ki, mütəxəssislərin sözlərinə görə, imperator pinqvinləri 500 metrə qədər dərinliyə dalaraq 20 dəqiqədən çox suyun altında qala bilirlər. Erkək pinqvinlər isə fədakarlığı ilə fərqlənir – onlar balalarını qorumaq üçün 100 gündən çox yeməksiz soyuqda dayanırlar.
Pinqivinlərin qara-ağ “kostyum” rəngi təsadüfi deyil. Bu, həm yırtıcılardan qorunmaq, həm də dənizdə gizlənmək üçün mühüm rol oynayır. Quru üzərində yöndəmsiz görünsələr də, onlar suda 40 km/saat sürətə çata bilirlər.
Maraqlıdır ki, bəzi pinqvinlər yuva qurmaq üçün sevdiklərinə “daş hədiyyə edirlər”. Əgər dişi həmin daşı qəbul edirsə, bu, cütlüyün münasibətinin başlanğıcı deməkdir.
Mütəxəssislər qeyd edir ki, pinqivinlər yalnız Cənub yarımkürəsində yaşayır və Şimal qütbündə bu quşlara rast gəlinmir.