Uşaqlarda kitab oxumaq vərdişi məktəb illərində deyil, daha erkən yaşlarda formalaşır. Məktəbəqədər dövrdən başlayaraq oxumağa maraq göstərən uşaqların gələcəkdə yaradıcılıq qabiliyyəti, nitqi, yaddaşı və təfəkkürü daha güclü olur. Lakin bu marağın yaranması üçün valideyn və müəllimlərin düzgün yanaşması çox önəmlidir.
Niyə erkən yaşda oxumaq vacibdir?
Uşağın nitqini zənginləşdirir, yeni sözlər öyrədir.
İmaginasiyasını (təsəvvürünü) inkişaf etdirir.
Məntiqi düşünmə bacarıqlarını gücləndirir.
Valideyn-uşaq münasibətini möhkəmləndirir.
Sonrakı təhsil pillələrində uğurun əsasını qoyur.
Oxuma marağını artıran yollar
Kiçik yaşlardan uşağa hər gün nağıl və ya qısa hekayə oxumaq, onun kitab sevgisinin ilk addımıdır. Uşaqlar dinlədiklərini təsəvvür edir və öz hekayələrini qurmağa başlayır.
Uşaqlar vizual obrazlara daha tez reaksiya verirlər. Şəkilli kitablar onların diqqətini cəlb edir və marağı artırır.
Oxunan nağıldakı obrazların səsini təqlid etmək, səhnələri canlandırmaq uşaqlar üçün oxuma prosesini əyləncəli edir.
Evdə uşağın kitablarını yerləşdirə biləcəyi kiçik bir “kitab küncü” hazırlamaq, ona özünəməxsus oxu mühiti yaratmaq çox təsirli olur.
Uşaq valideynin kitab oxuduğunu görəndə, bu davranışı təqlid etməyə başlayır. Böyüklərin oxuma vərdişi uşağa ən böyük motivasiyadır.
Uşağın maraqlarına uyğun kitab seçməsinə icazə vermək, onun oxumağa sevgisini artırır.
Uşaqla birlikdə kitab haqqında danışmaq, obrazların hisslərini soruşmaq onun həm düşüncə, həm də emosional inkişafına kömək edir.
Oxuma sevgisi uşaqlara məcburiyyətlə deyil, sevgi və oyun yolu ilə aşılanmalıdır. Erkən yaşda kitabla tanış olan uşaq, gələcəkdə yalnız savadlı deyil, həm də yaradıcı, özünüifadəsi güclü və dünyagörüşlü bir fərd olur.
