Dövlət İmtahan Mərkəzinin (DİM) məlumatına görə, avqustun 28-dən sentyabrın 2-dək ali təhsil müəssisələrinin boş qalan plan yerlərinə ixtisas seçimi həyata keçiriləcək. Cari ildə ali məktəblərə qəbul planı 96,27 faiz dolub.
DİM tərəfindən dərc olunan “Abituriyent” jurnalının 7-ci nömrəsində Azərbaycan bölməsi üzrə boş qalan yerlərin siyahısı açıqlanıb.
“Tehsil365” xəbər verir ki, I qrup üzrə Azərbaycan bölməsində ümumilikdə 130, III qrupda isə cəmi 7 boş yer qalıb.
II qrup üzrə boş qalan yerlər aşağıdakılardır:
• Azərbaycan Dövlət Pedaqoji Universitetinin Quba filialında Coğrafiya müəllimliyi – 6 yer (yalnız ödənişli)
• Milli Aviasiya Akademiyasında Maliyyə (tədris ingilis dilində) – 4 yer (yalnız ödənişli)
• Azərbaycan Dövlət Aqrar Universitetində Mühasibat (tədris ingilis dilində) – 7 yer (yalnız ödənişli)
• Azərbaycan Texnologiya Universitetində Beynəlxalq ticarət və logistika – 4 yer, İqtisadiyyat (ingilis dilində) – 15 yer (yalnız ödənişli)
• Lənkəran Dövlət Universitetində Coğrafiya müəllimliyi – 22 yer (yalnız ödənişli)
• Azərbaycan Kooperasiya Universitetində Beynəlxalq ticarət və logistika – 17 yer (yalnız ödənişli)
• “Azərbaycan” Universitetində Beynəlxalq ticarət və logistika – 7 yer (yalnız ödənişli)
• Xəzər Universitetində Coğrafiya müəllimliyi – 4 yer, İqtisadiyyat (ingilis dilində) – 12 yer, Maliyyə (tədris ingilis dilində) – 10 yer
• Bakı Qızlar Universitetində Coğrafiya müəllimliyi – 22 yer (yalnız ödənişli)
III ixtisas qrupunda isə yalnız Azərbaycan Dillər Universitetində Filologiya (ingilis dili və ədəbiyyatı) ixtisası üzrə 7 boş yer qalıb.