Dövlət Məşğulluq Agentliyi tərəfindən aparılan araşdırmaya əsasən, məzunları əmək bazarında ən çox işlə təmin olunan ali təhsil müəssisələrinin siyahısı açıqlanıb.
Siyahıya ilk olaraq Bakı Ali Neft Məktəbi daxil olub. Növbəti yerlərdə ADA Universiteti və Azərbaycan Dövlət Neft və Sənaye Universiteti qərarlaşıb.
Bundan başqa, Azərbaycan Dövlət İqtisad Universiteti, Dövlət İdarəçilik Akademiyası, Azərbaycan Turizm və Menecment Universiteti də işlə təminatda öndə olan ali məktəblər sırasındadır.
Eyni zamanda Azərbaycan Dövlət Pedaqoji Universiteti, Lənkəran Dövlət Universiteti, Milli Aviasiya Akademiyası və Bakı Biznes Universitetinin məzunları da əmək bazarında aktiv şəkildə işlə təmin olunublar.