Miflər və əfsanələr minillərdir insanların düşüncəsini və mədəniyyətini formalaşdırır. Dünyada ən çox oxunan hekayələr sırasında Yunan mifologiyasının Zevs və Afrodita kimi tanrıları, Skandinav mifologiyasının Odin və Tor haqqında əfsanələri xüsusi yer tutur.
“Tehsil365” xəbər verir ki, qədim Misir mifləri – Ra və Osiris haqqında inanclar, Çin əfsanələri – Əjdaha və Maymun Kral hekayələri də geniş oxunur. Azərbaycan və türk dastanlarından “Oğuz Kağan” və “Dədə Qorqud” isə bölgəmizin ən dəyərli mədəni mirasıdır.
Bu miflərin məşhurluğu onların yalnız keçmişdən gələn hekayələr deyil, həm də insanlara ibrət dərsləri və simvolik mesajlar ötürməsi ilə bağlıdır.