Sağlam qalmaq və xəstəliklərdən qorunmaq üçün qidalanma böyük rol oynayır. Xüsusi qidalar var ki, onlar insan sağlamlığı üçün çox faydalıdır.
“Tehsil365” mütəxəssislərin insan sağlamlığı üçün xüsusilə faydalı olduğunu bildirdiyi 5 əsas qidanı təqdim edir:
1. Yarpaqlı yaşıl tərəvəzlər: İspanaq, kələm və cəfəri kimi tərəvəzlər vitamin K, C, A və dəmir baxımından zəngindir. Antioksidant xüsusiyyətləri sayəsində ürək və sümük sağlamlığını dəstəkləyir.
2. Qoz-fındıq və toxumlar: Qoz, badam, chia və kətan toxumu omeqa-3 yağ turşuları və zülal mənbəyidir. Bu qidalar beyin funksiyasını gücləndirir və ürək-damar sağlamlığına faydalıdır.
3. Balıq: Xüsusilə somon, sardina və skumbriya yüksək keyfiyyətli protein və omeqa-3 yağ turşuları təmin edir. Balıq həmçinin beyin, göz və ürək sağlamlığını qoruyur.
4. Meyvə: Giləmeyvə, portağal və alma kimi meyvələr vitamin, lif və antioksidantlarla zəngindir. İmmunitet sistemini gücləndirir və bəzi xərçəng növlərinin riskini azalda bilər.
5. Tam taxıllar: Yulaf, kəpəkli düyü və qara buğda kimi qidalar lif və B vitamini ilə zəngindir. Həzm sistemini yaxşılaşdırır və qanda şəkərin tənzimlənməsinə kömək edir.
Mütəxəssislər bildirir ki, gündəlik qida rasionuna bu məhsulları əlavə etmək sağlam həyatın əsas açarlarından biridir.