Bu il ali təhsil müəssisələrinə qəbul imtahanlarında ümumilikdə 88 min 756 nəfər abituriyent iştirak edib. Onlardan 57 min 236 nəfər (o cümlədən 6461 subbakalavr) ali məktəblərə qəbul olunub.
İxtisas seçiminin nəticələrinə əsasən, ümumilikdə 3 min 492 boş yer qalıb. Ən çox boş yer I ixtisas qrupunda müşahidə olunub. Belə ki, abituriyentlərə təqdim edilən 20 min 385 yerdən 18 min 43-ü tutulub, 2 min 342 yer isə vakant qalıb.
Azərbaycan bölməsi üzrə ən çox boş yer Azərbaycan Texniki Universitetində qeydə alınıb – burada 247 boş yer mövcuddur. Həmin ixtisaslar əsasən maşın mühəndisliyi, materiallar mühəndisliyi, sənaye mühəndisliyi, energetika mühəndisliyi və digər texniki istiqamətləri əhatə edir.
Azərbaycan Dövlət Neft və Sənaye Universitetində isə I ixtisas qrupu üzrə 230 boş yer saxlanılıb. Bakı Mühəndislik Universitetində 113, Sumqayıt Dövlət Universitetində 87, Azərbaycan Dövlət Pedaqoji Universitetində 73 yer vakant qalıb.
Ən az boş yerə malik təhsil müəssisələri sırasında isə Azərbaycan Dövlət İqtisad Universiteti (2 yer), Milli Aviasiya Akademiyası (4 yer) və Azərbaycan Dövlət İqtisad Universitetinin filialı (2 yer) yer alır.
Digər universitetlərdə boş qalan yerlərin sayı belədir:
Bakı Dövlət Universiteti – 64
Azərbaycan Memarlıq və İnşaat Universiteti – 46
Mingəçevir Dövlət Universiteti – 52
Gəncə Dövlət Universiteti – 19
Naxçıvan Dövlət Universiteti – 41
Naxçıvan Müəllimlər İnstitutu – 24
Azərbaycan Texnologiya Universiteti (Gəncə) – 36
Xəzər Universiteti – 32
Lənkəran Dövlət Universiteti – 37
Qərbi Kaspi Universiteti – 32
ADA Universiteti – 29
Qeyd edək ki, boş qalan yerlərə ixtisas seçimi davam edir.