“Tehsil365” xəbər verir ki, Dövlət İmtahan Mərkəzi cari il üzrə qəbul imtahanlarının nəticələrinə dair məlumat yayıb.
Kimya alt qrupunda bu il 1500-dən çox boş yer mövcuddur. 150 bal tələb edən ixtisaslar arasında yalnız şərabçılıq ixtisasında boş yerlər qalıb.
II ixtisas qrupu üzrə ümumilikdə 278 boş yer qeydə alınıb. Müsabiqə şərtini ödəyənlərin sayı isə cəmi 18 nəfərdir. Bu o deməkdir ki, abituriyentlər düzgün seçim etdikləri halda qəbul olunacaqlar. Həmin qrup üzrə 150 bal tələb edən ixtisaslarda boş yer yoxdur.
Coğrafiya alt qrupunda isə bu il heç bir boş yer qalmayıb.
IV ixtisas qrupu üzrə isə 600-dən yuxarı bal toplayıb qəbul ola bilməyən 10 abituriyent mövcuddur.
V ixtisas qrupu üzrə qabiliyyət imtahanı tələb etməyən ixtisaslarda boş yer qeydə alınmayıb.
Qeyd edək ki, boş qalan yerlərə qəbul prosesi ixtisas seçimi mərhələsində davam edir.