Yeməyin bişirmə üsulu, onun tərkibindəki maddələrin qorunması və orqanizmə birbaşa təsiri ilə əlaqəsi var.
“Tehsil365” Gazeta.ru-ya istinadən xəbər verir ki, terapevt, diyetoloq Olqa Korxova hazırlanma qaydasından asılı olaraq, yeməyin insana nə zaman zərər, nə zaman isə xeyirli olacağını açıqlayıb.
Onun sözlərinə görə, buxarda bişirilən yemək ən sağlam üsul hesab olunur. Məhsullar bu şəkildə bişərsə, su ilə təmasda olmadığı üçün vitamin və mineralların itkisi minimuma enir.
"Bu, tərəvəz və digər məhsulların parlaq rəngini, teksturasını və qidalanma xüsusiyyətlərini qoruyub saxlamağa imkan verir. Buxarda bişirmə xüsusilə C və B vitaminləri kimi suda həll olunan vitaminləri saxlamağa kömək edir.
Bu vəziyyətdə məhsullar öz şirəsində və ya minimum miqdarda maye ilə yavaş-yavaş bişirilir ki, bu da vitamin və mineralların qorunmasına kömək edir. Qaynama haqqında danışsaq, bu üsulla suda həll olunan vitaminlərin suya keçdiyi üçün əhəmiyyətli itkilərə səbəb ola bilər. İtkiləri minimuma endirmək üçün az miqdarda su istifadə etmək və bişirmə vaxtını azaltmaq tövsiyə olunur", - diyetoloq vurğulayıb.
Həkim ən zərərli bişirmə üsulu kimi qızartmağı adlandırıb ki, bu da vitaminlərin məhvinə və xüsusilə tərkibində karbohidrat olan qidaların qızardılması zamanı akrilamid kimi zərərli birləşmələrin əmələ gəlməsinə səbəb olur. Yüksək temperatur həmçinin zülalların məhvinə səbəb olur.