Müasir tədqiqatlar göstərir ki, bitkilər sadəcə passiv canlılar deyil – onlar bir-birilə “ünsiyyət qurmaq” qabiliyyətinə malikdir. Alimlər sübut edib ki, bitkilər kökləri vasitəsilə torpağa kimyəvi siqnallar göndərir, bəzən isə havaya xüsusi maddələr buraxaraq qonşu bitkiləri xəbərdar edirlər.
Məsələn, bir bitki həşərat hücumuna məruz qalanda yaxınlıqdakı digər bitkilərə xəbərdarlıq siqnalları göndərir və onlar müdafiə mexanizmlərini işə salırlar. Bu, təbiətdə “yaşıl internet” adlandırılır.
"Tehsil365" xəbər verir ki, araşdırmalara görə, göbələklərin torpaqdakı micelium şəbəkəsi də bitkilərin ünsiyyətini gücləndirir və “meşə interneti” rolunu oynayır.
Mütəxəssislər hesab edirlər ki, bu fenomen təbiətin nə qədər mürəkkəb və ağıllı şəkildə işlədiyini göstərir.