Min illərdir insanlar yuxuların gizli mesajlar daşıdığına inanır. Bəzi mədəniyyətlərdə yuxular gələcəkdən xəbər verən işarələr kimi qəbul olunur.
"Tehsil365" xəbər verir ki, psixoloq Ziqmund Freyd isə yuxuları insanın şüuraltı arzularının və qorxularının ifadəsi kimi izah edib.
Müasir elm göstərir ki, yuxular əsasən beynin informasiya emalı və yaddaşın möhkəmlənməsi prosesi ilə bağlıdır. REM yuxu fazasında beyin aktiv işləyir, gündəlik hadisələri təkrar emal edir və emosiyaları nizamlamağa çalışır.
Buna baxmayaraq, niyə məhz müəyyən simvolların – məsələn, uçmaq, yıxılmaq və ya kimsə tərəfindən izlənmək – tez-tez yuxuda göründüyü hələ də tam izah olunmayıb.
Mütəxəssislər hesab edirlər ki, yuxular həm insan psixikasının güzgüsü, həm də beynin ən sirli fəaliyyətlərindən biridir.