Dünya əhalisinin böyük hissəsi müxtəlif fobiyalardan əziyyət çəkir.
"Tehsil365" xəbər verir ki, ən məşhur qorxulardan biri araxnofobiya – yəni hörümçəklərdən qorxudur. Bu fobiya qədim instinktlərlə, təhlükəli heyvanlardan uzaq durmaqla əlaqələndirilir.
Digər geniş yayılmış fobiyalar sırasında akrofobiya – hündürlük qorxusu, klaustrofobiya – qapalı məkan qorxusu, eləcə də aerofobiya – uçuşdan qorxu yer alır. Bu fobiyaların səbəbləri əsasən uşaqlıq təcrübələri, travmalar və insan beyninin təhlükəni şişirtmə meyli ilə bağlıdır.
Mütəxəssislər bildirirlər ki, fobiyalar nəzarətdən çıxmadıqca həyat üçün təhlükə yaratmır, lakin ciddi hallarda psixoloji müalicə tələb oluna bilər.