Ali təhsil müəssisələrinin bakalavriat səviyyəsi üzrə boş qalan plan yerlərinə və tam orta (11 illik) ixtisas təhsili müəssisələrinə ümumilikdə 9429 elektron ərizə təqdim edilib.
“Tehsil365” xəbər verir ki, Dövlət İmtahan Mərkəzinin məlumatına görə, ali məktəblərin boş qalan plan yerlərinə Azərbaycan bölməsi üzrə 796, rus bölməsi üzrə isə 95 olmaqla, cəmi 891 ərizə qeydə alınıb. Qruplar üzrə göstəricilər belədir:
I qrup üzrə 143 ərizə (136 Azərbaycan, 7 rus bölməsi üzrə),
II qrup üzrə 253 ərizə (236 Azərbaycan, 17 rus bölməsi üzrə),
III qrup üzrə 456 ərizə (396 Azərbaycan, 60 rus bölməsi üzrə),
IV qrup üzrə 37 ərizə (28 Azərbaycan, 9 rus bölməsi üzrə),
V qrup üzrə isə 3 ərizə (1 Azərbaycan, 2 rus bölməsi üzrə) təqdim olunub.
Tam orta (11 illik) təhsil bazasından orta ixtisas təhsili müəssisələrinə isə 8327-si Azərbaycan, 383-ü rus bölməsi üzrə olmaqla, ümumilikdə 8710 elektron ərizə daxil olub.