29 avqust 2025-ci il tarixində Gəncə-Daşkəsən Regional Gənclər və İdman İdarəsinin və Gəncə UGİM-in birgə təşkilatçılığı ilə Gəncə güləş məktəbinin idman zalında sərbəst güləş üzrə UGİM-in daxili birinciliyi keçirilib. Yarış “Konstitusiya və Suverenlik İli”nə həsr olunub.
“Tehsil365” xəbər verir ki, birincilikdə Gəncə UGİM-in bölmələrindən 60-a yaxın güləşçi müxtəlif çəki dərəcələri üzrə qüvvəsini sınayıb. Tədbir Azərbaycan Respublikasının Dövlət Himninin canlı səsləndirilməsi ilə açıq elan olunub, torpaqlarımızın bütövlüyü uğrunda canlarını fəda etmiş şəhidlərin xatirəsi isə bir dəqiqəlik sükutla anılıb.
Çıxış edən natiqlər ölkəmizdə idmana göstərilən diqqət və qayğının əhəmiyyətini vurğulayaraq, gənc idmançıların gələcək uğurlarının dövlətin idman siyasətinə verdiyi töhfə olduğunu qeyd ediblər.
Yarışların yekununda hər çəki dərəcəsində qalib gələn güləşçilər diplom və medallarla təltif olunublar.
Qaliblər təbrik olunub və onlara gələcək yarışlarda uğurlar arzulanıb.
