Alimlər qızılgül qoxusunun beynin strukturunda dəyişikliklər yaratdığını sübut ediblər.
“Tehsil365’ oxu.az-a istinadən xəbər verir ki, bu barədə "Lenta dnya" "Telegram" kanalı məlumat yayıb.
Yaponiyanın Kyoto Universiteti və Tsukuba Universitetinin tədqiqatçıları bir qrup qadından bir ay müddətində qızılgül yağı ilə isladılmış paltar geyinmələrini xahiş ediblər. Maqnit-rezonans tomoqrafiyası (MRT) nəticəsində onların beynində boz maddənin həcmində artım müşahidə olunub. Xüsusilə də yaddaş və assosiasiyalarla əlaqəli sahələrdə dəyişiklik qeydə alınıb.
Mütəxəssislər bildirirlər ki, bu təsir zehni qabiliyyətlərin artmasına zəmanət verməsə də, demensiya və digər neyrodegenerativ xəstəliklərin öyrənilməsi üçün mühüm əhəmiyyət kəsb edə bilər.
Qeyd olunur ki, gələcəkdə bu tip araşdırmalar yaddaşı gücləndirmək və beyni qocalmadan qorumaq üçün sadə və əlçatan aromaterapiya üsullarının inkişafına təkan verə bilər.