Müasir tibbin inkişafına qədər insanlar xəstəliklərdən qurtulmaq üçün müxtəlif maraqlı üsullara müraciət edirdilər.
Bu qədim müalicə metodları bu gün bizə qeyri-adi görünsə də, o dövrdə ənənəvi sayılırdı.
"Tehsil365" bu müalicə metodlarının bir neçəsini sizə təqdim edir:
Qan buraxma – Qədim Misir və Yunanıstanda orqanizmdə “pis qan” olduğuna inanılırdı. Xəstələrin damarlarından qan çıxarılaraq xəstəliyin sağalacağı düşünülürdü.
Ot və bitkilərlə müalicə – Çində və Hindistanda min illərdir bitkilərin şəfalı gücündən istifadə olunurdu. Məsələn, zəncəfil həzm problemlərinə qarşı, sarıkök isə iltihab əleyhinə dərman kimi istifadə olunurdu.
Sümüklə və daşla müalicə – Bəzi qədim xalqlarda müəyyən daşların və heyvan sümüklərinin qoruyucu və şəfa gətirici gücə malik olduğuna inanılırdı.
Bal və süd ilə müalicə – Qədim Misirdə bal yaraların sağaldılmasında, süd isə immunitetin gücləndirilməsində geniş istifadə olunurdu.
Akupunktura – Qədim Çin təbabətindən gələn bu üsulda bədənin müəyyən nöqtələrinə iynələr batırılaraq ağrıların və xəstəliklərin azaldılacağına inanılırdı.
Alimlər qeyd edir ki, bu üsulların bəzilərinin elmi təsdiqi olmasa da, bir çoxu müasir tibbin formalaşmasında mühüm rol oynayıb.