Mingəçevir Dövlət Universitetinin təşkilatçılığı ilə dünyanın 15 ölkəsindən alimlərin iştirakı ilə beynəlxalq elmi konfrans keçiriləcək.
Mingəçevir Dövlət Universitetindən “Tehsil365”ə məlumat verilib ki, 6–8 dekabr 2025-ci il tarixlərində baş tutacaq tədbir elm və innovasiya sahəsində regionda keçirilən ən böyük toplantı olacaq.
Konfrans çərçivəsində müxtəlif ölkələrdən gələn alimlər, tədqiqatçılar və mütəxəssislər bir araya gələrək elmi biliklərin mübadiləsini aparacaq, yeni əməkdaşlıq imkanlarını müzakirə edəcəklər. Tədbir region üçün qlobal tərəfdaşlıqların qurulmasına və elmi əlaqələrin gücləndirilməsinə töhfə verəcək.
Mingəçevirdə keçiriləcək bu beynəlxalq elmi konfrans ölkəmizin elm və təhsil məkanında mühüm hadisə kimi qiymətləndirilir.