Azərbaycan Respublikasının Gənclər və İdman Nazirliyi və Azərbaycan Kanoe və Avarçəkmə Federasiyasının birgə təşkilatçılığı ilə keçirilən avarçəkmə üzrə Azərbaycan çempionatı başa çatıb.
“Tehsil365” xəbər verir ki, yarışın ikinci günündə idmançılar akademik avarçəkmə, kayak və kanoe növlərində 7 dəst medal uğrunda mübarizə aparıb. Çempionatda qalib və mükafatçılar diplom və medallarla təltif olunublar.
Qeyd edək ki, Azərbaycan çempionatında uğur qazanan idmançılar sentyabr və oktyabr aylarında ölkəmizdə keçiriləcək MDB Oyunlarında da iştirak edəcəklər. Sözügedən oyunlarda avarçəkmə yarışları Mingəçevirdəki “Kür” Olimpiya Tədris-İdman Mərkəzində təşkil olunacaq.
Azərbaycan çempionatı MDB Oyunlarına hazırlıq və test xarakteri daşıyıb.
