2025–2026-cı tədris ilində Naxçıvan Dövlət Universitetinin təbii elmlər və kənd təsərrüfatı fakültəsində tədris prosesinə xarici professorlar da qoşulacaq.
Naxçıvan Dövlət Universitetindən “Tehsil365”ə məlumat verilib ki, yeni tədris ilində fakültədə Kafkas Universitetindən professorlar Savaş Yıldız və İsa Özaydın, Karadeniz Texnik Universitetindən professorlar Fevzi Karslı və Faruk Yıldırım, həmçinin Karadeniz Texnik Universitetində fəlsəfə doktoru olan Gülten Kara dərs deyəcəklər.
Xarici mütəxəssislərin təcrübəsinin bölüşdürülməsi NDU-da tədrisin keyfiyyətinin yüksəldilməsi, beynəlxalq elmi əməkdaşlığın genişləndirilməsi və tələbələrin dünya səviyyəli biliklərə yiyələnməsinə mühüm töhfə verəcək.