2025/2026-cı tədris ili üzrə peşə təhsili pilləsi üzrə tələbə qəbulu prosesinin II mərhələsinin nəticələri açıqlanıb.
“Tehsil365” xəbər verir ki, birinci və ikinci mərhələdə www.portal.edu.az platforması vasitəsilə ümumilikdə 44 min nəfərdən çox namizəd peşə təhsili müəssisələrinə qəbul üçün müraciət edib.
2025/2026-cı tədris ili üzrə tələbə qəbulu 78 peşə təhsili müəssisəsində 13 640 plan yeri üzrə həyata keçirilib. II mərhələdə isə www.portal.edu.az platforması vasitəsilə 19 292 nəfərdən 72 597 müraciət daxil olub və ümumilikdə 8 341 nəfər müsabiqədən uğurla keçərək peşə təhsilinə qəbul olunub.
Qeyd edək ki, tələbə qəbulu prosesində namizədlərin müsabiqədən keçməsi onların ixtisas seçimi və müsabiqə ballarına əsasən müəyyən edilib.