Gənclərin Sosial İnkişafına Dəstək İctimai Birliyi “Qasid” Gənclərin məlumatların məxfiliyi üzrə savadlılığının artırılması layihəsini həyata keçirib.
“Tehsil365” xəbər verir ki, gənclərin Sosial İnkişafına Dəstək İctimai Birliyi Azərbaycan Respublikasının Gənclər Fondunun maliyyə dəstəyi ilə “Qasid – Gənclərin məlumatların məxfiliyi üzrə savadlılığının artırılması” layihəsini uğurla həyata keçirib.
Layihə çərçivəsində qasid.az saytının təqdimat mərasimi baş tutub. Tədbirdə iştirakçılara saytın vizual görünüşü, məqsədi və gələcək planları barədə ətraflı məlumat verilib.
Mərasimdə elmi-kütləvi bloggerlər, QHT nümayəndələri, tərəfdaş qurumlar və gənclər iştirak edərək layihənin aktuallığı ilə bağlı çıxışlar ediblər.
Qeyd edək ki “Qasid” layihəsinin əsas məqsədi gənclərin geniş istifadə etdiyi veb sayt və tətbiqlərin məlumat siyasətlərini qısa və anlaşıqlı formada təqdim etmək, şəxsi məlumatların təhlükəsizliyinə dair bilikləri artırmaq, həmçinin onların hüquq və öhdəliklərini daha aydın başa düşmələrinə dəstək olmaqdır.
