Naxçıvan Dövlət Universitetinin rektoru Elbrus İsayev əməkdaşların, tələbələrin və valideynlərin müraciətlərini dinləmək üçün fərdi qəbul günləri təşkil edəcək.
Naxçıvan Dövlət Universitetindən “Tehsil365”ə məlumat verilib ki, qəbul günlərində universitet əməkdaşları, təhsilalanlar və valideynlər öz sual, təklif və müraciətlərini birbaşa rektora çatdırmaq imkanı qazanacaqlar.
Qrafikə əsasən, 8 sentyabr saat 10:00–12:00-da universitet əməkdaşlarının, 9 sentyabr saat 10:00–12:00-da tələbələrin, 10 sentyabr saat 10:00–12:00-da isə valideynlərin qəbulu keçiriləcək.
Fərdi görüşlər NDU-nun Rektorluq binasında baş tutacaq.