Sentyabrın 6-da Göygöl Olimpiya İdman Kompleksində gənclər və idman naziri Fərid Qayıbov “Poliqon” gənclərin hərbi-vətənpərvərlik düşərgəsinin iştirakçıları ilə görüşüb.
“Tehsil365” xəbər verir ki, gənclər nazir Fərid Qayıbova düşərgənin vətənpərvərlik hissinin daha da artırılmasında, Şanlı Zəfər tarixinin təbliğ edilməsində və gənclərə ilkin hərbi təlimlərin öyrədilməsində çox böyük əhəmiyyəti olduğunu vurğulayıblar. Nazir gənclərə vətənpərvərlik istiqamətində layihələrə Gənclər və İdman Nazirliyinin xüsusi diqqətlə yanaşdığını, bu tipli tədbirlərin sayının artırılacağını bildirib və onları maraqlandıran sualları cavablandırıb.
Qeyd edək ki, sayca 20-ci olan, Gənclər və İdman Nazirliyinin dəstəyi, “İRƏLİ” İctimai Birliyinin təşkilatçılığı keçirilən “Poliqon” gənclərin hərbi-vətənpərvərlik düşərgəsi Qarabağ Zəfərinin 5-ci ilinə həsr edilib.
