Sentyabrın 7-də Lənkəran - Astara Regional Gənclər və İdman İdarəsinin təşkilatçılığı ilə Lerik şəhər Heydər Əliyev Meydanında "İdman hamı üçün" layihəsi çərçivəsində kütləvi açıq idman tədbiri keçirilib.
“Tehsil365” xəbər verir ki, tədbirdə müxtəlif yaş kateqoriyasından olan şəxslər idmanın futbol, voleybol, şahmat, uzunluğa tullanma, tibbi topun atılması, turnikdə dartınma, kəndirlə mübarizə növləri üzrə məşğul olublar.
Kütləvi idman tədbirinin təşkilində məqsəd əhali arasında idmanın təbliği, idmana marağın artırılması, fiziki inkişafa, sağlam həyat tərzinə çağırış, asudə vaxtın səmərəli təşkilidir.
